為左揾佢, 宇宙超級巨喪大路癡Cress隻身由中環地鐵站D2出口(畢打街)鏟上半山! 竟然又俾我於困惑中揾到佢😃 遺憾既係, 我識黎, 唔識走囉, 結果行到腳都跛埋, 先揾到中環站J出口(遮打花園)。
我係用Sugar app redeem既, 細爆谷, 原價$30 (via sugar $16)。
極多隻味, 岩晒三心兼兩意既我囉😍 店主係後生鬼妹, 極熱情, 一入去就即刻 Hi~ how are you? 你。我問邊隻味最popular, 佢話係'The Cha Cha', 即奶茶味。另外我撈了'The Big Cheese'(芝士黑椒味)。
見到奶茶味黑到咁, 本身怕會好甜好膩, 但出奇地唔係, 算係比較淡淡既甜味, 冇咩膩感。但奶茶味真係唔出, 反而極似藍罐曲奇上面啲提子乾。但爆谷超脆的。
呢度既芝士味唔似Garrett個種Sharp cheddar cheese味, 而係甜甜地偏奶油味個種。配上黑椒辣辣地, 係幾好食既, 不過又唔講得上好好食。質感方面, 由於冇sugar coating, 所以係偏腍, 但比Garrett既CheeseCorn脆dd。
整體而言, 我覺得不錯, 亦好欣賞多種原創味道, 但$30一小小小盒真係太貴了吧(真係超細), 而且位置對我黎講比較隔涉, 我亦唔想再蕩多次失路😂所以應該唔會再黎*_* 都係揀番世界級芝士味既Garrett啦, 細既$35好似仲平喎😨
其實咁多特別味好想試晒, 但點好意思換個細既都試晒所有味丫😭所以淨係試左呢2隻味就要了
Sote (半山)
Search